മോര്‍ട്ട്‌ഗേജ് എടുക്കാന്‍ ശ്രമിക്കുമ്പോള്‍ ബാങ്കുകള്‍ നടത്തുന്ന അഫോര്‍ഡബിളിറ്റി ടെസ്റ്റ് പലപ്പോഴും പാരയായി മാറാറുണ്ട്. ജീവിതച്ചെലവുകള്‍ കുതിച്ചുയര്‍ന്ന സാഹചര്യത്തില്‍ ഈ പരിശോധനയുടെ കടുപ്പമേറുകയും ചെയ്തത് പലര്‍ക്കും മോര്‍ട്ട്‌ഗേജ് ലഭിക്കുന്നതിന് തടസ്സം സൃഷ്ടിക്കുകയും ചെയ്യുന്നു. ഈ ഘട്ടത്തിലാണ് അഫോര്‍ഡബിളിറ്റി ടെസ്റ്റ് സമ്പൂര്‍ണ്ണമായി റദ്ദാക്കാന്‍ ബാങ്ക് ഇംഗ്ലണ്ട് തീരുമാനം കൈക്കൊണ്ടിരിക്കുന്നത്.
ആഗസ്റ്റ് 1 മുതല്‍ അഫോര്‍ഡബിളിറ്റി ടെസ്റ്റ് പിന്‍വലിക്കുമെന്നാണ് ബാങ്ക് സ്ഥിരീകരിച്ചിരിക്കുന്നത്. നിലവില്‍ മോര്‍ട്ട്‌ഗേജ് ലെന്‍ഡേഴ്‌സിന് ബാങ്ക് ഓഫ് ഇംഗ്ലണ്ട് നടപ്പാക്കിയിട്ടുള്ള അഫോര്‍ഡബിളിറ്റി ടെസ്റ്റിലെ നിയമങ്ങള്‍ പിന്തുടരേണ്ടതുണ്ട്.
അഫോര്‍ഡബിളിറ്റി ടെസ്റ്റ് മോര്‍ട്ട്‌ഗേജ് നല്‍കുന്നതിനെ ബാധിക്കുന്ന അവസരത്തിലാണ് ഇതുപേക്ഷിച്ച് പുതിയ നിയമങ്ങളിലേക്ക് മാറുന്നത്. നിലവില്‍ ബ്രിട്ടനിലെ ഭവനങ്ങള്‍ക്ക് ആവശ്യപ്പെടുന്ന ശരാശരി വില 368,614 പൗണ്ടാണെന്ന് റൈറ്റ്മൂവ് ഡാറ്റ വ്യക്തമാക്കുന്നു. ജൂണ്‍ മാസത്തില്‍ തുടര്‍ച്ചയായ അഞ്ചാം തവണ റെക്കോര്‍ഡ് നിരക്കിലെത്തിയ മാസമായി മാറി.
2014ല്‍ നിര്‍ദ്ദേശിക്കപ്പെട്ട രണ്ട് മോര്‍ട്ട്‌ഗേജ് നിര്‍ദ്ദേശങ്ങളില്‍ ഒന്നായിരുന്നു അഫോര്‍ഡബിളിറ്റി ടെസ്റ്റ്. എത്രത്തോളം പ്രതിമാസ തവണ താങ്ങാന്‍ കഴിയുമെന്നാണ് ഈ ടെസ്റ്റ് പരിശോധിച്ചത്. എന്നാല്‍ ഇത് നീക്കുന്നത് കൊണ്ട് വിപരീത ഫലമാണ് ഉളവാകുകയെന്ന് വിദഗ്ധര്‍ വാദിക്കുന്നു.
Facebook
Twitter
